MOHABBAT

Mohabbat ko behakne do kabhi to in fizaon me
Kabhi to dil ki vadiyon me mehakne do

Mohabbat ko kabhi nikalo bandishon ke dayre se apni
kabhi tut kar bikharne to do

Mohabbat ko kabhi faaslon ko tay karne to do
Mohabbat ko apni pankh lagne to do

Kabhi zindagi se mohabbat judne to do
Mohabbat ko mayne badalne to do

Kabhi to todo tanhai se rishta
Mohabbat ka jadoo zara chalne to do

Mohabbat ko zara behakne to do
Zamane me kuch charche zara uthne to do..

KHAMOSHIYAN

Khamoshiyan badi khoobsurat thi
Ye un pehli mulaqato me bhi thi

Khamoshiyan badi khoobsurat thi
Ye un pehli barsaaton me bhi thi

Khamoshiyan badi khoobsurat thi
Jab guzre dil ki galiyon se inki aahat waha bhi thi

Khamoshiyan badi khoobsurat thi
Kabhi chain samete thi to kabhi bechaini bhi thi

Khamoshiyan badi khoobsurat thi
Kabhi unkahe lafz samete thi to kabhi saanse bhi thi

Khamoshiyan badi khoobsurat thi
Har karar me thi aur har saath me thi

Khamoshiyan badi khoobsurat thi
Nazdikiyon me bhi thi aur dooriyon me bhi thi

Khamoshiyan badi khoobsurat thi
Har aahat me bhi thi tumhari aur har jhankaar me thi

Har jhalak me tumhare ye thi
Khamoshiyan badi khoobsurat thi ....Khamoshiyan badi khoobsurat thi

Kal ek mushkil sawal he,jo beet rha he wo laajawab he,dur se dikh rha jo wo chattan he lekin jo nazara he usse wo bemisal he,zameen pe to sab he par baghi jinki udaan he unka hi to aasman he,chamakta suraj apna yaar he aur raat se mujhe pyaar he,zindagi waqt ka na jaane kaisa imtehaan he,waqt apni chal chalta he aur kharch hota insaan he

Yun to meri fitrat nahi kisi pe mar mitane ki par na jane uski saadgi me kya baat thi ki dil ne dimag ko sochne ka mauka hi nhi diya

zindagi jeete jeete hum jeena bhul gaye,kisi ki chahat me khud ko chahna bhul gaye,manzil ki daud me apno ko bhul gaye,saasein lete to he par mehsus karna bhul gaye,aasman me udane ki chahat me zameen bhul gaye,andhere ne sitam kiya aisa ki chandni aankhon me sametna bhul gaye,ab yuhi jiye ja rahe,hum khud ko hi mitaye jaa rahe he

Jinda wahi he jisne khud ko talaasha he,jo paaya khud ko khokar wo bhi kya paana he,suljhe hue hum he fir kyu zamane me ulajh jaana he,khubsurat he mohabt nafrat ko kyu jagaana he,dil bekarar he anjaan raasto k liye kyu unhe tarsana he,khud se mohabt ho to kadmo me zamana he,do pal me simti hui zindagi he,kya khona aur kya paana he-

Anjaam de dena..ek din.meri khamoshi ki zubaan samajh lena,mere khwabo se khud ko jod lena,har gum har sitam sah lunga taqdir ka,sirf apna kehkar ek khushi de dena,mere wajood ko kabhi ek pehchaan de dena,zamana kahi jal na jaye mere dil me lagi aag se,mujhe is gunah se bacha lena,aashiqui ko mere ek haseen anjaam de dena....anjaam de dena

Na sangharsh na taklif toh kya maza he jeene mein,bade bade chattan pighal jaye jab aag lagi ho seene mein

"main dariya hoon,apna hunar jaanta hoon,jaha se bhi guzrunga main apna raasta bana hi loonga"

Aaj bhi aawaz de to jannat zameen pe utar layenge,nikhar jayegi zindagi jo tumse jud jayenge,soyi hui kismat ko kuch is tarah jagayenge,diwani hokar daudegi piche hamari kuch aisa nasha chadayenge,raunake meri kya duniya ki bhi tumhi se he,tumhare liye kya zamana,kya duniya,chaand aur sitare se badhkar kuch le aayenge,ab to kaynat bhi fiki lagti he,use tumhari mohabt se sajayenge,dastak dil ke darwaze par ek dafa fir de do,har janm ye zindagi tumhare naam kar jayenge......naam kar jayenge!-

kehna to bhut kuch tha tumse par waqt ne mauka hi na diya,abhi to theeek se sapne bhi nhi dekhe the tumhare aur kambakht waqt ne tumhe cheen liya,soch rha tha tumhe subah shaam aur itne me waqt ne ye sitam kiya,kya kahu is dil se me jisne nigaho me tumhe qaid kiya,har ek pal beinteha ishq tumse kiya,tumse milna mumkin na tha to humne khwabo ka sahara liya,shayad khata meri hui jo bewafa apni taqdeer pe bharosa kiya,ab kya kahu,kuch is kadar bebas me hua ki dhadkano ne jo kaha wo zubaan ne kabhi bayaaan na kiya..

Zindagi sacche jazbaaton se he,Jazbaat jeene se he,beete kal ke parinde me tera aaj qaid he,tera kal roshan tere aaj se he,aadha,adhura,bhula,bisra sa he tu,teri pehchaan heere sa nikhar jaaane me he,jis talaash me ujaale ke he,wo khud jal jaane se he,har ujaale ki buniyad jwala se he,jhok de khud ko dariyaan me,teri hasti doob jaane me he,kashmakash ka jaal kaat de,teri manzil ka raasta aazadi se he,jag ja ab tu,kya rakha neend me he,jo mazaa khud se ladkar jeet jaane me he...teri to zindagi zajbaaton se he aur jazbaat jeene se he

zinda jab tak he kuch aisa kar ja kaam dilshad tu,tu rahe ya na rahe kal,zamane ko khub yaad aye tu

Everytime i miss the train,heap of efforts seem all in vain,deep sumwhere it literaly pains,illusionary seem the visionary gains,it happens whenever i miss the train,everytime i lose the sight,i feel its time to take the flight,choose the very right,give up a big fight,make it so bright,let the winds soar the kite,evrytime it happens when i miss the train,i decide to embrace the pain,enjoy the rain,turn on the game,for life is a plethora with few trauma,no matter whatever bro just enjoy the aura



Kuch is kadar meetha tha wo pehli mulaqat wala khwab,ki hum aaj bhi sugar ke mariz he aur doctor laapta he:-)


Rubaro hokar tanha kar gaye,soyi khwahishe jagakar bekarar kar gaye,ibdta tum ho gaye,inteha tum ho gaye,ziddo zahat me hum khi kho gaye,har aawargi,aashiqui ki pehchan ho gaye,har zarre ki chahat tum ho gaye,har kisse,har lamhe ka mere karar ho gye,har rehguzar,har katre ki meri jaan ho gye,judkar hum tumse juda ho gaye,ruh chinkar tum qaid kar gaye zindagi meri,begunah hum saza katne ko majbur ho gaye,bewaqt fanah ho gaye,fanah ho gaye

Some people have passed away but their character has kept them alive whereas some people are living inspite of a dead character.

Dard ki gehrai se zindagi nikal le,gumnami se teri tu pehchan cheen le,ehsaas de de apne man ko,har tapish ko jaan le,har kasar se rubaro ho,kismat ka farman taal de,mitna he to ladkar mit,zehan me ise dhal le,na us kal ki fikar kar na us kal ki,tu bus aaj ko pehchan le,har fikar ko kar ruksat,tu aazad udaan le, ek saans me dard ki gehrai se tu zindagi nikal le.

Aadat he khelne ki,ha Aadat he,kabhi lafzon se,kabhi rango se.
Aadat he apnane ki,kabhi khud ko ,kabhi doosro ko.
Aadat he dhundne ki,kabhi wajah jeene ki,kabhi marne ki.
Aadat he parakhne ki,kabhi khud ko,kabhi waqt ko.
Aadat he jeene ki,kabhi akele ,kabhi zindagi ke sath.
Aadat he yuhi bin kahe sab kehne ki,Aadat he yuhi alfazon me gum hone ki...bas Aadat he.